"My First Toothbrush"



Photos


Slideshows


Anna's Artistry


Dentistry In Haiti

Zanmi nou yo, Mèsi paske ou vizite website la  ankò. Pandan sezon ete 2007 la. Mwen te gen yon gran privilèj pou m te fè yon prezantasyon nan asosiyasyon ki pote non "The Friends of Hopital Albert Schweitzer". Reyinyon sa a te fèt nan lokal McMaster University. Mwen te gen lopòtinite rankontre yon pakèt moun enteresan e ki gen kè nan men pou Ayiti. Se ak Anpil kè kontan Zanmi ou Marianne ki travay pou mete website sa a kanpe ap pataje ak ou foto dènye aktivite "Healthy Smiles for Haiti" reyalize.  
 

  Hôpital Albert Schweitzer

Yon sensè envitasyon de Dr. Suresh ak  mesye Ian Rawson te rapidman pouse m ale vizite Lopital Albert Schweitzer. Yon Lopital tout moun nan peyi Dayiti tande pale pou aksyon pozitif li deja reyalize nan domèn lasante. Lopital sila a chita nan Latibonit a de zèd tan de vil Pòtoprens.  Mwen te gen lokazyon fè yon kout visit Jou ki te premye ak de (2) septanm 2007 la. Pandan de jou sa yo Mwen te gen chans vizite kèk nan latriye sèvis lopital Albert Schweitzer ofri popilasyon an e pami sèvis sila yo gen yon klinik dantè ki fonksyonèl.  Akòz enterè ak eksperyans nou genyen nan zafè swen bouch ak dan nou rive remake gen kèk travay ki merite fèt nan klinik dantè sa a pou pèmèt yon amelyorasyon nan kalite swen yo.   Mwen panse gen anpil kout men Healthy Smiles ka bay nan klinik dantè a yon fason pou amelyore kalite swen benefisyè yo ap resevwa.   

Se ak anpil kè kontan mwen ta swete retounen nan Vale Latibonit nan yon tan ki pa twò lwen.
   

Pwojè Rotary nan Thibeau

Jou ki te lendi 3 Septanm 2007 la Mesye Ray Trask ki se ansyen prezidan Burlington North Rotary club te fè premye visit li an Ayiti. Se ak anpil kè kontan mwen ak kèk zanmi te akeyi Ray nan Potoprens. Jou apre li vini an sa vle di demen maten Dr. Cherley Policier, Phélimps Jean Louis,
Ray ak mwen te leve byen bonè nan maten pou ale Okap Ayisyen nan yon ti Avyon ki pote konpayi Karibentè. Lè nou rive okap Ayisyen nou te gen chans rankontre Sè Biane epi nou vizite tou lakay yon timoun mwen parene(ede) ki rele Wildernise e se pòtre menm timoun sa a ki sèvi logo pou Healthy Smiles.  Lè nou kite lakay Wildernise nou te pran direksyon Thibeau tou dwat kote Pè Almyre te chita ap tann nou e lè nou te rive li te bannou yon gwo akèy.  Rive nou rive nou te sèlman depoze valiz nou epi nou te pran wout klinik dantè a ki chita a yon distans ven minit  ak pawas la. Depi mwa Fevriye 2007 Pè Almyre te deja enstale pano solèy yo, batri yo ak ennvètè a (materyèl ki transfòme kouran 12 vòl batri a pou bay 110 vòl) yon fason pou pat gen pwoblèm lè lòt materyèl yo ta va vinn enstale.   Andedan klinik lan te gen bwat katon ki gen materyèl yo ki te deja ap tann  nou pou fè enstalasyon yo. Sa pat pran anpil tan pou Doktè Cherley te ale konsilte nan yon lòt chanm touswit tout moun yo kite deja chita ap tann dantis la depi   m maten.  Pandan Doktè Cherley te ap konsilte pasyan yo Phelimps, Ray ak mwen tap netwaye sal kote klinik lan ye a epi  nou te tou pwofite retire nan bwat yo tout materyèl yo pou te ka fè montaj yo. Pami materyèl ki nou te gen pou monte nou te genyen yon chèz dantè tou nèf pou pasyan yo, yon Chèz pou dantis la e yon n pou asistant li a, e finalman yon UNIT ki tou gen konpresè l ladan l.  Nou tout te sou anpil tansyon jiskaske nou te ploge tout materyèl yo epi te wè yo mache trè byen!  E konsa jounen madi a te fini.  Nan demen maten mèkredi  nou te fin byen manje e nou te repran direksyon   klinik dantè a kote Mesye Ray te  touswit kòmanse monte aparèy radyografi pou dan an ki pat gen chans monte nan jou avan an.  Pandan Ray tap fè tèt li travay pou monte aparèy la Phelimps limenm bò kote pa l tap fè dilijans pou kouran ennvètè a te ka bay 110 vòl pou eseye materyèl yo. Menm jou mèkredi a Doktè Cherley  te wè  anpil pasyan e mwen te  tou pwofite retire nan bwat katon yon seri materyèl kite la depi de zan.  Se te ankò yon lòt moman verite lè nou te wè radyografi dantè a te fonksyone trè byen aprè Ray te fin monte l. Se te yon gwo siksè!
 
Anfen se te yon gran jwa pou tout moun lè nou te fin mete nouvèl ansèy klinik dantè a. Se moun nan lokalite a plis pè almyre ki te rive klouwe ansèy la. Mete klinik sa a kanpe nan Thibeau se rezilta kat lane lanmou travay di san pran souf. Men sa nou wè jodi a montre nou te gen tout rezon pou nou te travay di konsa! Jodi a nou ka di san pè san krent klinik thibeau se yon n nan Klinik peyi dayiti  ki gen plis ekipman pou bay sèvis !

Rotary Club Jacmel.

Nan Jedi nou te kite Thibeau pou nou rantre nan vil Okap Ayisyen kote nou te dwe pran yon ti avyon pou nou tounen Pòtoprens.  Lè nou te rive Pòtoprens menm jou a nou te pran yon ti bis pou Jakmèl ak tout valiz nou yo. Nan ti bis la nou te kwense tankou sadin e nou te pase de zèd tan ap vwayaje konsa. Lè mwen te rive jakmèl Mwen te sèlman gentan pou m te fè yon ti mouye kò m nan pisin otèl Kap lamandou avan yo te vin chèche nou pou ale nan reyinyon ak zanmi nou yo ki nan Club Rotary Jacmel nan Otèl de la plas.
   Avèk anpil fyète nou te pataje ak tout manm Rotary Club Jakmèl tout dènye foto nou te fè lè nou tap enstale klinik la nan jou anvan yo.  Nou te konstate anpil souri nan vizaj moun kite la yo pou siksè sa a klinik Thibeau tounen jodi a! Reyinyon an te fini ak lespwa nou ka refè menm eksperyans  lan nan yon tan ki pa twò lwen e menm mete kanpe yon dezyèm Klinik dantè ki ka pote non Healthy Smiles.

Mwen vle voye yon remèsiman espesyal pou tout moun ki sipòte Healthy Smiles finansyèman kididonk nan bay lajan oswa don. Nou toujou ap kenbe e nap kontinye grandi. Dènye vwavaj pa tap kapab yon si gran siksè san sipò Debbie ak tout Staff lopital Albert Schweitzer, san sajès ak ospitalite Pè Joseph Almyre Nan Thibeau.   Nan Pòtoprens nou voye yon remèsiman espesyal pou Albert ak Johanna ki toujou asire trè byen manje ak bwè nou e ki pataje espas lakay yo san bliye transpòtasyon nou.    Mwen remèsye espesyalman Mesye Ray Trask ki toujou kontinye kwè nan pwojè a epi sipòte rèv mwen menm si tout bagay te parèt san espwa.  Li te mèvèye pou m te pataje ak ou tout Bote peyi Dayiti atravè sa ki natirèl lakay li, atravè mizik li e anfen atravè pèp li.  Dr. Cherley  lanmou san fen ou genyen pou pwofesyon dantistri a kontinye banm lespwa pou m bay bon swen pou bouch ak dan nan diyite ak konpasyon. Remèsiman final mwen al Jwenn Phelimps Jean Louis paske depi jou mwen rive Ayiti a se li ki fè tout kòdinasyon pou transpò, lojistik, tradiksyon, amizman e anpil fwa pòtpawòl. Ou te akeyi yon nouvo veni an Ayiti e mesye Ray trask rete yon zanmi Ayiti.


Map chèche yon nouvo chapit pou Healthy Smiles, kote ansanm nou kapab pote plis souri sou vizaj tout zanmi

Ayisyen nou yo.
Mèsi Anpil,
Georgina Cosentino
Fondatè HSFH